Një tjetër yll i futbollit është pranë largimit nga kombëtarja. Bëhet fjalë për qendërmbrojtësin maroken Medhi Benatia, i cili po planifikon mbylljen e karrierës me Marokun. 31-vjeçari ka vendosur të pëqëndrohet te karriera në klube. Lajmin e ka dhënë stacioni privat radiofonik "RMC Sport". Benatia ka një "CV" të pasur pasi ka luajtur me klube me emër si Roma, Bayern Munich dhe tani me Juventusin. Edhe pse ka lindur në Francë, ai refuzoi të përfaqësonte "Gjelat" duke zgjedhur të luajë për skuadrën e origjinës. Benatia ishte kapiteni i Marokut në Kupën e Botës, i cili u eliminua që në fazën e parë të grupeve.

Medhi Benatia