Amir Rrahmani po kalon një sezon fantastik me Napolin teksa titullin kampion e kanë në “xhep” pasi janë plot 12 pikë larg Interit të vendit të dytë ndërsa jemi vetëm në gjysmën e kampionatit. Rruga është ende e gjatë por nga java në javë, napoletanët “shtypin” këdo që i del përpara.
Mbrojtësi kosovar është kthyer në një lider pas largimit të Koulibaly duke patur një rritje të konsiderueshme të nivelit të lojës dhe për trajnerin Spalletti është shumë i rëndësishëm pasi ai flet gjatë gjithë kohës në fushë duke inkurajuar dhe udhëzuar shokët e ekipit.
Në fitoren e fundit 0-3 në transfertë ndaj Spezia, Rrahmani ishte ndër më të mirët në fushë duke qenë një nga faktorët kryesor të mos pësimit të golave. SofaScore, në zbardhjen e formacionit të javës, e ka vendosur kosovarin në qendër të mbrojtjes me notën 7.8.
