Kryeministri Edi Rama duket se ka kaluar një pasdite të paharrueshme për të personalisht në Torino, ku udhëtoi për të ndjekur nga afër debutimin e Kristiano Ronaldos përpara publikut bardhezi.
Pasi ndoqi sfidën mes Juventus dhe Lazios, Kryeministri ka arritur të rrëmbej dhe një fotografi me “yllin” portugez, i cili mesa duket i ka dhuruar dhe një fanelë të tij. Një mbrëmje ëndrrash për çdo tifoz kjo e Kryeministrit, që si një tifoz i “thekur” i “Zonjës së vjetër” ka arritur të përmbushë ndoshta një dëshirë të tij të madhe për të parë një nga lojtarët më të mirë në botë me ekipin e tij.