Eros Grezda ka hedhur një hap të rëndësishëm në karrierën e tij profesioniste duke firmosur sot me një nga klubet më me emër në Europë. Por 23-vjeçari nuk mund të largohej nga ekipi i dikurshëm pa thënë fjalën e fundit.
Në faqen e klubit kroat Osijek, ku luajti 37 ndeshje dhe realizoi 8 gola, futbollisti i Kombëtares së Shqipërisë ka dërguar mesazhin falenderues në adresë të tifozëve dhe ekipit bardheblu.
“Falenderoj të gjithë në qytet dhe u uroj sa më shumë gëzim dhe sukses në ndeshjet e ardhshme. Falenderime të mëdha për tifozët e Osijekut, me të cilët kam patur një raport të shkëlqyer në sezonin e fundit”.
Klubi kroat nuk harron t’i urojë fat të mbarë njërit prej lojtarëve më të rëndësishëm në sezonin e kaluar.