Arbnor Fejzullahi ishte një ndër lojtarët më aktivë të Partizanit në derbin e sotëm kundër Tiranës, sfidë që të kuqtë e fituan 2-1.
Jo vetëm në repartin defensiv, por edhe në atë ofensiv, Fejzullahi zhvilloi një paraqitje shumë pozitive, madje goditi edhe traversën në minutën e 7-të kur rezultati i takimit ishte ende 0-0.
Pikërisht këtë moment, mbrojtësi i Partizanit ka dashur ta evidentojë edhe përmes një postimi në profilin e tij në Facebook duke shkruar në gjuhën angleze: Pse gjithmonë unë?
Kujtojmë se kjo shprehje është përdorur në derbin Mançester Siti-Mançester Junajted nga Mario Baloteli, kur sulmuesi italian shënoi për “qytetarët” dhe poshtë fanellës kishte shkruar në bluze: Pse gjithmonë unë?. Një pyetje që iu adresohej të gjithë atyre që sulmonin mediatikisht Mario Balotelin për bëmat e tij.
Loading ...
