Pasi Flamurtari zyrtarizoi rikthimin e sulmuesit 27-vjeçar Danilo Alves në Vlorë, braziliani ka dërguar mesazhin e pari që pas largimit në muajin korrik në Turqi, një eksperiencë e pazakontë që përfundoi për diçka më shumë se një muaj. Qyteti bregdetar gjithmonë ka qenë në zemrën e tij. Por në një postim të fundit në “Instagram” braziliani shprehet më se i lumtur që ka mbërritur në “shtëpinë e tij të dytë” Vlorën.
I devotshëm ndaj Zotit lojtari ka falenderuar Atë si vetmen forcë për shkak të cilit ai jeton. Braziliani duket se ka kaluar një periudhë të turbullt në Turqi, por te Flamurtari ai do të ndihet njësoj si dikur, i vlerësuar nga të gjithë.
“Momente të lumtura, falë Zotit! Në momente të vështira kërkoj Zotin! Në momente të paqarta i besoj Zotit. Gjatë gjithë kohës falenderoj Zotin!”
Në Vlorë ai do të rikrijojë dyshen e sulmit me Tomislav Busic, për të cilin është shprehur më parë për “neësport.al” se di të merret vesh shumë mirë në lojë.
Loading ...
