Foto/ Flamurtari bën gati Kukësin, drejtuesit e klulbit gjejnë strategjinë për të mundur verilindorët

Flamurtari luan këtë mesjavë në “Zeqir Ymeri”, aty ku vlonjatët nuk kanë marrë asnjëherë rezultat pozitiv. Pozitat në klasifikim i bëjnë ata të luftojnë fort që të mos dalin pa pikë dhe morali në skuadrën kuqezi është i lartë.

Për të mos shpërqendruar ekipin, drejtuesit kanë vendosur që gjatë këtyre ditëve asnjë person në ekip të mos prononcohet për mediat. Ky vendim bëhet i ditur nga ana e klubit vlonjat me anë të një postimi në faqen zyrtare në “Facebook”.

“Për shkak se java në vijim është tejet e rëndësishme për ecurinë dhe objektivat e sezonit, klubi ka vendosur që skuadra të kalojë në heshtje shtypi.  Kërkojmë mirëkuptimin nga tifozët, shtypi i shkruar dhe viziv”, shkruhet në njoftimin e bërë.