Futbolli ka treguar se nuk është një sport i ndaluar për femrat, e kjo jo më pak në Shqipëri. Nga futbolli i luajtur tashmë kemi kaluar dhe në gjykimin e tij. Qyteti i Shkodrës njihet si njëri prej bastionëve më futbolldashëse në historinë e futbollit shqiptar. Jo vetëm për brezat e futbollistëve, por qyteti ka treguar se di të promovojë shumë mirë dhe futbollin e femrave. Si në rastin e ekipit të parë të femrave në Shqipëri Juban Danja, qyteti ka investuar dhe në rritjen e brezave të ardhshëm të gjyqtarisë së futbollit shqiptar për femrat. Akademia e Arbitrave të Futbollit në Shkodër ka treguar së fundmi edhe angazhimin e madh të femrave në gjykim. Një seri fotosh të kryetares Soada Tushaj me arbitret e reja të futbollit janë postuar në faqen e akademisë në "Facebook".
Lexo gjithashtu
