Yunus Sentamu duket se është kthyer në një çështje në klubin e Tiranës. Mesfushori afrikan u largua nga Shqipëria javë më parë dhe tashmë drejtuesit e 24-herë kampionëve të Shqipërisë prisnin që ai të kthehej në vendin tonë. Por, një gjë e tillë nuk ka ndodhur.
Sentamu vijon të jetë në Afrikë duke shijuar pushimet, të cila siç duket i ka marrë para kohe.
Lojtari i bardhebluve është mjaft aktiv në rrjetet sociale, ndërsa fushës së blertë i mungon prej thuajse 1 muaji. Së fundmi ai ka postuar një foto në Instagramin ku shfaqet në një shkollë në Afrikë, duke mbajtur një fjalim me mikrofon, në një nga shkollat e shtetit të tij.
Nuk dihet se për çfarë po flet Sentamu, por atij i shkon shumë profesioni i “folësit publik”.