Ndockyt Merveille u kërkua në merkaton e dimrit për shifrën e 700 mijë eurove. Mesfushori afrikan shkëlqeu në dy fazat e para me bardheblutë duke arritur të japë një kontribut mjaft të madh për skaudrën e drejtuar nga Ilir Daja dhe më pas Mirel Josa. Së fundmi 18-vjeçari nuk po kalon një moment të mirë, pasi është ndjekur nga disa dëmtime të njëpasnjëshme.
Në sfidën ndaj Partizanit ai ishte titullar, megjithatë pas ndeshjes u pa i fashuar në këmbën e tij të djathtë. Nuk dihet ende shkalla e dëmtimit të tij, por në foton e postuar në Instagram Merveille tregon këmbën e fashuar dhe në pjesën e pulpës ka të vendosura disa shirita blu. Siç duket gjendja e yllit bardheblu nuk është e mirë, ndërkohë të gjithë shpresojnë te aftësitë e tij në këtë pjesë të mbetur të sezonit.
Loading ...
