Vetëm pak orë na ndajnë nga takimi i Kombëtares kuqezi me Francën. Ndeshja e shumëpritur edhe si pasojë e inaugurimit të stadiumit të ri “Air Albania”. Sfida ndaj “Gjelave” ka bërë që shumë figura të njohura të sportit të bëhen bashkë për të ndjekur Kombëtaren.
Sot ishin bërë bashkë lojtarët e viteve 2000, që pasi “varën këpucët në gozhdë” janë ritakuar për të mbështetur ekipin. Erjon Bogdani, Klodian Duro, Ervin Skela, Alban Bushi, Igli Tare, Altin Haxhi, Geri Çipi, Ervin Fakaj, Foto Strakosha dhe Florian Myrtaj janë ritakuar për të konsumuar bashkë një kafe, duke kujtuar vitet e tyre me fanellën kuqezi. Postimi i Klodian Duros ka rikthyer edhe emocione te tifozët, duke parë bashkë disa nga “emblemat” e ekipit tonë.