FOTO/ 27 vitet kthehen në festë në kampin e kuq, ja ç’ndodh te Partizani një ditë para Antalias

Nesër Partizani do të niset për në Antalia ku do të zhvillojë një mini-fazë përgatitore. Nën drejtimin e teknikut Starova, të kuqtë do të përgatiten për fazën e tretë të Superiores. Megjithatë një ditë para nisjes për në Turqi, në kampin e 15 herë kampionëve të Shqipërisë ka festë pasi qendërmbrojtësi i tyre, Gëzim Krasniqi mbush 27-vjeç.

Për këtë, klubi i kuq ka uruar Krasniqin në faqen zyrtare ku shkruan: “Sot mbrojtësi i kuq Gëzim Krasniqi feston 27 vjetorin e tij të lindjes. Klubi,i uron mbrojtësit shtatlart edhe 100 vite të lumtura dhe suksese të mëtejshme në karrierë me fanelën e Partizanit”, përfundon urimi i Partizanit.
Kujtojmë që Krasniqi është pjesë e rëndësishme e të kuqve, teksa në çdo ndeshje ka fituar besimin e Starovës duke qenë titullar i padiskutueshëm.