Flamurtari zgjedh një emër të madh për “këmbë të mbarë”

Shkelmimi i topit nga qendra e fushës në nisjen e kampionatit tashmë është kthyer në një traditë. Ndërsa në Vlorë nuk është një personazh që ka luajtur futboll deri në sezonin e shkuar, por një figurë e njohur e futbollit në vitet 80-90.

Kreshnik Çipi është përzgjedhur që të shkelmojë topin nga qendra e fushës. Ai ka luajtur për kuqezinjtë dhe ka fituar titullin kampion në vitin 1989, i fundit i fituar nga Flamurtari. Ndërkaq, periudha kur Çipi ka luajtur futboll, janë zhvilluar takimet kundër Barcelonës që mbahen mend gjatë në Vlorë.