Flamurtari po i nënshtrohet një revolucioni në ekip. Drejtuesit kanë nisur nga puna për rindërtimin e skuadrës duke filluar me emërimin e trajnerit të ri Emiliano Çela i cili tërhoqi edhe Silvio Zogajn nga Kastrioti. Nga krutanët pritet të vijnë të tjerë, me mesfushorin Edon Hasani që është shumë pranë firmës.
[caption id="attachment_696878" align="alignnone" width="583"]
Ronald Disha[/caption]
Megjithatë, nuk mungojnë as largimet. I rradhës është Ronald Disha. Mbrojtësi 24-vjeçar do të largohet nga Vlora pas 1 sezoni ku luajti në 21 ndeshje. Qendërmbrojtësi i cili bën mjaft mirë edhe të dyja krahët do të jetë lojtar i lirë në merkato dhe emri i tij është në tryezën e shumë ekipeve.
Ish-lojtari i Korabit ka oferta nga shumë skuadra të Kategorisë së Parë të cilët shohin një mundësi të artë për të rritur cilësinë në skuadër me dikë si ai. Vendimi i takon atij dhe mbetet të shihet cila do të jetë e ardhmja e Dishës.
Lexo gjithashtu
