Lazio fitoi dje në derbin e kryeqytetit me Romën. Bardhekaltrit morën një fitore mnimale 1-0 falë golit të Zaccagnit. Triumfi erdhi mes shumë polemikash kjo për shkak edhe të arbitrimit dhe të përplasjeve mes lojtarëve pas ndeshjes. Më herët para sfidës tekniku i verdhekuqve Mourinho kishte bërë ironi me Lazion për shkak të eleminimit të tyre nga Conference League.
Pas derbit foli në lidhje me këto komente foli trajneri i Lazios, Sarri. “Në karrierën time kam zhvilluar shumë ndeshje të rëndësishme, madje edhe në stadiume si Bernabeu, por gjithmonë kam fjetur një natë para ndeshjes. Por jo kësaj here.
Derbi i Romës të vendos gjithmonë në presion sa herë që luhet. Dhe sa më shumë ta përjetosh, aq më shumë presioni rritet. Ne jemi të lumtur veçanërisht për njerëzit e Lazios.
Mourinho? E pëlqej Josen, por këtë herë ne fituam derbin dhe nuk jemi të interesuar se çfarë do të thotë ai”.
Lexo gjithashtu
