Firma me Donnarumma krijon probleme, PSG gati të nxjerrë në shitje 27-vjeçarin

Në Francë janë të bindur se gara për një vend titullari në portën e PSG do të zhvillohet mes Keylor Navas dhe Gianluigi Donnarumma.

Por, ky mund të cilësohet problem luksi te gjigantët e Ligue 1. Kjo për shkak se në “Parc des Princes” roli i portierit është i mbipopulluar, 9 në total. Çfarë do të bëhet me të tjerët dhe në veçanti me Sergio Rico?

Spanjolli 27-vjeçar ka një kontratë deri në vitin 2024 dhe ishte portier i dytë në sezonin e kaluar. Megjithatë tani ai mund të gjej veten i treti, ose edhe i katërti.

Alexandre Letellier është ftuar nga Pochettino për tu stërvitur me skuadrën. Për këtë arsyeje, Rico kërkon që të jetë i lirë për të firmosur diku tjetër.