Sot në orën 20:45 do të luhet sfida e radhës në Serinë A, mes Juventusit dhe Fiorentinës. Edhe pse "Zonja e Vjetër" renditet në krye të tabelës së klasifikimit, kjo nuk e qetëson trajnerin Massimilliano Allgeri, i cili ka pritshmëri të mëdha këtë vit nga ekipi që drejton.
Gjatë konferencës që ka dhënë para sfidës së radhës, Alegri ka thënë: “Ky është një muaj vërtetë vendimtar për ne përsa i përket çështjes së titullit, sepse do të përballemi fillimisht me Fiorentinën dhe më pas me Lacion, Sasuolon dhe Interin pa harruar që në mes është edhe "Kupa e Italisë". Nëse do të kemi një avantazh të mirë ndaj skuadrave ndjekëse në klasifikim edhe pas këtyre sfidave atëherë mund të them që kemi shanse të mëdha për të fituar kampionatin. Fiorentina është një skuadër e mirë edhe pse këtë sezon ka vuajtur disi në Serinë A, për të fituar ndaj tyre duhet të nxjerrim më të mirën nga vetja, pasi Artemio Franchi është gjithmonë një fushë e vështirë. Duhet të përmirësohemi në fazën mbrojtëse”.
Lexo gjithashtu
