Policia e Shtetit ka reaguar pas finales së Conference League, Roma – Feyenoord përfunduar me rezultatin 1-0. Pas takimit, uniformat blu bënë të mundur shmangien e incidenteve mes dy tifozërive.
Edhe pse kishte sinjale se mund të kishte përplasje, fatmirësisht gjithçka shkoi mirë duke vulosur edhe një herë faktin se Shqipëria mund të organizojë evente të rëndësishme ndërkombëtare. Përmes një mesazhi në kanalin zyrtar, Policia e Shtetit falënderon gjithë bashkëpunëtorët duke shkruar:
“Policia e Shtetit
Angazhim, përkushtim dhe profesionalizëm nga të gjitha strukturat e Policisë së Shtetit, për garantimin e rendit dhe sigurisë para, gjatë dhe pas ndeshjes.
Masat e detajuara të marra nga Policia e Shtetit bënë të mundur shmangien e incidenteve ndërmjet tifozëve të dy skuadrave dhe u sigurua mbarëvajtja e Finales së UEFA Conference League, midis ekipeve të Romës dhe Feyenoordit që u zhvillua në stadiumin “Air Albania”, përsa i përket rendit e sigurisë.
Policia e Shtetit falenderon qytetarët për mirëkuptimin dhe mbështetjen”.
Loading ...
