Data 23 shkurt ka mbledhur në ambjentet e Parkut Olimpik në Tiranë, Federatën Shqiptare të Mundjes. Gjithë drejtuesit më të lartë të kësaj federate kanë zhvilluar analizën vjetore të mundjes shqiptare për vitin 2017. Nën drejtimin e sekretarit të përgjithshëm të kësaj federate, Ndriçim Spahiu kanë qenë të pranishëm edhe trajnerë, gjyqtarë dhe anëtarë të kryesisë së FSHM. Përfaqësues nga ministria arsimit dhe sportit ka qenë, Arjan Konomi.
Në këtë analizë është diskutuar për objektivat e vitit 2018 dhe u miratua projekt-kalendari i aktiviteteve kombëtare dhe ndërkombëtare këtë vit. Gjithashtu synohet arritja e rezultateve sa më të larta në këtë sport dhe veçanërisht në Lojërat Mesdhetare që do zhvillohen në Tarragona në datën 23-24 qershor.
Federata Shqiptare e Mundjes inkurajon të gjithë sportistët, trajnerët dhe gjyqtarët që duke u bazuar në rëndësinë e aktiviteteve duhet të punojnë bashkarisht që çdokush të japë shembullin e tij në zhvillimin e garave të ndershme dhe të synojnë rezultate sa më të larta.
Lexo gjithashtu
