Hapësire reklamuese

Çështjet kryesore

FACENEWS

"Fidel, të lus shumë që të mbash faturat", Erion Veliaj ironizon hapur hetimet e SPAK: Ka ardhur dita të jemi korrekt

Shkruar nga NEWSPORT
"Fidel, të lus shumë që të mbash faturat", Erion
Erion Veliaj, Fidel Ylli, Edi Rama dhe Ogerta Manastirliu

Komiteti Olimpik Kombëtar Shqiptar organizoi një ceremoni për të nderuar sportistët shqiptarë në arenën ndërkombëtare për vitin 2024, ku morën pjesë kryeministri Edi Rama dhe kryebashkiaku i Tiranës, Erion Veliaj. Në fjalimin e këtij të fundit, Veliaj nuk nguroi të ironizonte hetimet e SPAK-ut ndaj tij.

Duke iu drejtuar presidentit të KOKSH-së, Fidel Yllit, Veliaj u shpreh: "Fidel, të lus shumë që të mbash faturat. Kanë ardhur ditë që duhet të jemi shumë korrektë me gjërat dhe të kemi raportim të saktë të mbrëmjes gala”.

Kjo batutë, e thënë në prani të kryeministrit, duket qartë si një referencë ironike ndaj procedurave hetimore të SPAK.

Kujtojmë se pak ditë më parë, kryebashkiaku Veliaj u paraqit në SPAK, ku qëndroi për më shumë se pesë orë për t’u marrë në pyetje lidhur me disa çështje penale.

Gjatë këtyre hetimeve, janë ushtruar kontrolle në zyrën e kompanisë së bashkëshortes së tij dhe në banesën e vëllait të tij. SPAK ka nisur hetime pasurore ndaj Veliajt dhe po shqyrton rolin e tij në rastin e inceneratorit të Tiranës dhe kompanisë "5D", që lidhet me ish-drejtues të Bashkisë.

Poll

Lexo gjithashtu

Superiore - Ndeshjet

Kategoria Superiore

Itali - Serie A

Spanjë - La Liga

Angli - Premier League

Gjermani - Bundesliga