Një nga lojtarët kryesorë në Kombëtaren shqiptare është edhe Odise Roshi. Një mungesë që është vërejtur shpeshherë në ndeshjet e Shqipërisë, pasi falë aftësive të tij ka arritur ta nxjerë skuadrën nga vështërsia. U bë një kohë e gjatë që mesfushori nuk luan, kjo për shkak të një dëmtimi të rënd që Roshi pësoi disa muaj më parë, ç'ka i kushtoi ndërhyrjen kirurgjikale.
Tashmë fieraku është në fazën e rikuperimit dhe është vënë në kujdesin e mjekëve të Juventusit që ky rikuperim të ndodhë sa më shpejt. Është vet Odise Roshi që në faqen e tij në Instagram që ka publikuar një foto nga "J Medical Torino" vendi në të cilën rikuperohen të gjithë lojtarët e Juventusit, duke falenderuar stafin mjeksorë që e ka ndihmuar në rikuperimin e tij. Një lajm i mirë dhe për trajnerin Panucci që pritet ta ketë shumë shpejt në skuadër mesfushorin për ndeshjet kualifikuese Euro 2020.
