Struga Trim & Lum është zyrtarisht ekipi kampion i Maqedonisë së Veriut. Fitorja e sotme 3-0 përballë Sileksit dhe humbja e Shkëndijes 2-1 nga Shkupi i sigurojnë matematiksisht titullin kampion skuadrës së trajnerit Shpëtim Duro.
Tekniku shqiptar e mori ekipin në mars në vendin e parë dhe ia doli ta mbnate po aty duke bërë kështu që në Strugë të festohet për herë të parë në histori një titull kampion. Për Duron ky është titulli i dytë kampion pas atij të fituar me Skënderbeun në sezonin 2010-2011, teksa i është afruar edhe disa herë të tjera madje edhe në Maqedoni kur drejtonte Shkëndijën.
