Pablo Mari ka kaluar momentet më të vështira të jetës së tij. Futbollisti i Seria A u godit me thikë në një qendër tregtare në Assago, teksa po ecte me djalin e tij të vogël. Mbrojtësi i Monzës ka pasur një bisedë nga spitali me Adriano Gallianin dhe Raffaele Palladinon.
Gjatë gjithë kohës ka qenë i vetdijshëm. Ngjarja e frikshme ka qenë kryefjalë e gjithë medieve në Itali. Fillimisht shtatlarti nuk kishte vënë re asgjë, por papritur kishte ndjerë dhimbje të forta në shpinë. Në këtë moment ka parë agresorin duke goditur me thikë një tjetër person.
“Me siguri e ka shpëtuar gjatësia”, ka komentuar Galliani, duke pasur parasysh se thika ka përfunduar disa centimetra larg mushkërisë. Kohët e rikuperimit që nevojiten për rikthimin në fushë do të dihen në ditët në vijim.
Lojtari do t’i nënshtrohet një ndërhyrje kirurgjikale për t’u rikuperuar plotësisht.
Lexo gjithashtu
