Xavi njoftoi ditën e djeshme, që në fund të sezonit aktual do të largohet nga Barcelona. Trajneri spanjoll është shprehur se çfarëdo që të ndodhë, edhe nëse fitojnë Champions Leaguen, ai do të largohet nga katalanasit.
Te Barcelona kanë filluar të mendojnë që tani për pasardhësin, teksa mediat spanjolle bëjnë të ditur edhe emrin që është më pranë katalanasve. Nga Spanja raportohet se trajneri i ri i Barcelonës do të jetë gjerman.
Hansi Flick është i preferuari i klubit katalanas, me presidentin Laporta që e ka dëshirën parësore. Thashethemet Flick-Barcelona kanë qenë që në vitin 2021, por tashmë gjithçka duket më objektive.
Shanset janë të mëdha që Flick të marrë drejtimin e Barcelonës, me trajnerin gjerman që është i papunë dhe me klubin spanjoll që duke parë kushtet ekonomike nuk ka një zgjedhje më të mirë.
Lexo gjithashtu
