Inter është duke vëzhguar mundësinë që të transferojë në rradhët e tyre mbrojtësin shqiptar Berat Gjimshitin. Është SportMediaset që raporton se zikaltërit mund të ofrojnë një shkëmbim mes Lazaro dhe Gjimshiti për të përfituar shërbimet e mbrojtësit të Atalantës.
Gjimshiti është në listën e Inter, kjo pasi humbi garën me Juventus për të pasur shërbimet e Bremer i cili u transferua për shifrën e 76 milionë eurove. Tani klubi italian kërkon që të afrojë Gjimshitin për të përforcuar repartin e mbrojtjes.
Berat Gjimshiti është pjesë e Atalantas nga sezoni 2017-2018. Mbrojtësi i kombëtares shqiptare regjistron 155 ndeshje të zhvilluara në Seria A ku ka arritur të shënojë 4 gola dhe 7 asiste.
Loading ...
