Mauro Icardi është në dilemë për të ardhmen. Sulmuesi duket se nuk ka hapësira te PSG, me Monza që kërkon rikthimin e tij në Serie A. Ish-kapiteni i Inter ka vizituar Milanon, duke postuar edhe një foto nga “Giuseppe Meazza”.
“Sa emocione jetuam këtu … Momente të pashlyeshme të jetës sime familjare dhe futbollistike. Shumë kujtime të mira që do të mbeten gjithmonë në zemrën time”, shkruan Icardi.
Një mesazh i koduar për Inter apo një moment nostalgjie, kjo pritet të shihet në ditët në vijim. Nëse argjentinasi kërkon një ftesë nga kombëtarja për Kupën e Botës, do duhet të gjejë një ekip ku ka minutazh të plotë. Me Lukakun, Dzekon dhe Lautaro në sulm, e ardhmja te zikaltërit duket larg për Icardin.
Loading ...
