E ardhmja e Hysaj zyrtarizohet të mërkurën

Klubi italian dhe agjenti i lojtarit do të zhvillojnë të mërkurn datë 6 korrik takimin vendimtar që do të vendosë të ardhmen e futbollistit.Edhe pse bisedimet kanë nisur prej ditësh, Mario Giuffredi ka përcaktuar tashmë edhe datën zyrtare të vendimit që do të merret.

Të dyja palët kanë dëshirë që Hysaj të mbetet te Napoli, por detajet e kontratës mbeten akoma të paqarta. Për futbollistin janë interesuar edhe klube të tjera gjatë merkatos, madje dhe klubi i Barcelonës ka shprehur pëlqimin ndaj mbrojtësit shqiptar.

Elseid Hysaj është vetëm 22 vjeç por gëzon një formë fizike shumë të mirë dhe paraqet një investim në prespektivë për çdo klub. Kontrata e deritanishme e Hysaj me klubin është deri në vitin 2020 por rishikimi i saj do të sillte stabilitet për të dyja palët.