Në "Euro 2016" në sfidën Shqipëri-Zvicër dhe dy herë në grupet e Champions League në takimet vajtje-ardhje Bazel-Arsenal.
Tri sfida mes dy vëllezërve Xhaka, Taulanti i Shqipërisë dhe Graniti i Zvicrës.
I madhi luan me Bazelin, ndërsa vëllai i vogël me Arsenalin. Tri ndeshje emocionuese mes tyre në fushën e blertë, pa diskutim më e ndjera ajo mes Shqipërisë dhe Zvicrës.
Këtë herë, dy vëllezërit Xhaka kanë menduar të sfidojnë njëri-tjetrin në..."play-station". Taulanti ndodhet në Londër për vizitë te vëllai i tij që luan me Arsenalin dhe dy futbollistët e famshëm nuk kanë nguruar të bëjnë publike sfidën e tyre të 4-t brenda këtij viti duke e hedhur foton në rrjetet sociale.
Ndryshimi i vetëm është terreni, sepse në ndeshjen e 4-t mes tyre, Taulanti dhe Graniti nuk kanë nevojë të përdorin duart për të frenuar njëri-tjetrin në fushën e lojës, por të përdorin sa më shpejt dhe më mirë, dorezat e "play-station". Në tri ndeshjet e luajtura në fushën e blertë, Taulanti ka dalë i humbur ndaj vëllait të tij.
Tani të gjithë mund të jenë në pritje të rezultatit final të sfidës së 4-t...
[caption id="attachment_69047" align="alignnone" width="750"]
Taulant dhe Granit Xhaka duke sfiduar njeri-tjetrin ne Play-Station[/caption]
[caption id="attachment_69052" align="alignnone" width="1024"]
Taulant dhe Granit Xhaka ne ndeshjen Shqiperi-Zvicer 0-1, e vlefshme per grupet e "Euro 2016"[/caption]
Lexo gjithashtu
