Sumqayit-Shkëndija e Tetovës 0-2
Shkëndija e Tetovës ka arritur t'ia dalë në turin e parë të Europa League, teksa ka mposhtur në transfertë 0-2 ekipin azer, Sumqayit. Të besuarit e Ernest Gjokës i falën dy penalltive, duke i dhënë këtë fitore të rëndësishme në Azerbajxhan.
Në minutën e 56-të është Besart Ibraimi që nderon kuqezinjtë e Shkëndijës duke arritur te shndërrojë në gol penalltinë e fituar. Edhe pse vendasit mundohen të reagojnë, skuadra shqiptare e Shkëndijës është e vendosur për të shkuar në turin e dytë të Europa League.
Kësisoj Mutallimotov i Sumqayit bën një ndërhyrje te gabuar në zonën e skuadrës së tij duke shkaktuar 11-metërshin e dytë të sfidës. Këtë herë është Doriev që çon topin në rrjetë duke vulosur rezultatin 2-0 në favor të Shkëndijës së Tetovës. Tashmë skuadra e Ernest Gjokës duhet të mbledhë forcat për t'u ndeshur në raundin e dytë të Europa League.
Lexo gjithashtu
