Kombëtarja shqiptare është hasur me disa largime nga rradhët e saj, pas krijimit të kombëtares së Kosovës më vete. Një numër i madh futbollistësh që luajnë me Shqipërinë janë vënë në mëdyshje për zgjedhjen që duhet të bëjnë. Është lufta e brebdshme midis të luash për kombin apo të luash për shtetin. Shumë e kanë bërë zgjedhjen e tyre, ata do të qëndrojnë me Kombëtaren Shqiptare deri në fundin e karrierës së tyre. Të tjerë janë tunduar dhe ka prurje të reja që s'dinë ku të shkojnë.
Kosova do të luajë tashmë edhe në kompeticione madhore pas vendimit për ta njohur Kombëtaren nga FIFA. Pas deklaratës së djeshme të trajnerit të Kosovës Albert Bunjaki se pret që skuadrës së tij ti bashkohen disa futbollistë kosovarë që luajnë me Shqipërinë ka ardhur dhe reagimi i dy ish-futbollistëve kosovarë të Kombëtares Shqiptare.
Debatik Curri dhe Mehmet Dragusha, janë shprehur në të njëjtën linjë në lidhje me çështjen, lojtarët kosovarë nuk duhet të lënë ekipin shqiptar për atë të Kosovës.
''Sigurisht që lojtarët do ta vendosin vetë pasi është një zgjedhje personale. Por, për mendimin tim, ata futbollistë kosovarë që janë pjesë e Kombëtares shqiptare duhet të vazhdojnë të luajnë për të. Kanë qenë një grup solid dhe përpara janë eleminatoret e Botërorit. Kosova duhet të presë për lojtarët ve rinj që do të dalin'', është shprehur Curri.
Ndërsa për Dragushën ka vetëm një Kombëtare dhe ajo është vetëm kuqezi.
Lexo gjithashtu
