Duka: Unë xheloz për sukseset e De Biazit? Kam qeshur shumë kur e dëgjova

Tema e kontratës së De Biazit me FSHF-në është më “e nxehta” për momentin. I pyetur në emisionin sportiv “Fair Play” për këtë çështje presidenti i FSHF-së, Armand Duka deklaroi: “Në fakt ne nuk duam të krijojmë presion te trajneri, sepse jemi ende në gjysmë të rrugës së Eliminatoreve të Botërorit.

Kemi para një ndeshje si ajo ndaj Italisë dhe duhet të fokusohemi te kjo gjë. Unë xheloz për sukseset e De Biazit? Kur e dëgjova këtë gjë, kam qeshur shumë, madje së bashku me De Biazin kemi qeshur me këtë temë.

Unë mund të jem xheloz për ndonjë gjë tjetër, por jo për De Biazin (qesh)”.