Herve Renard është trajneri 54 vjeçar i cili bëri një bujë të madhe në Kupën e Botës duke mundur kampionët e botës në sfidën e parë të Botërorit në Katar. Trajneri i Arabisë Saudite, që ka marrë në dorë frerët e kombëtares në vitin 2019, ka bërë një katapultim të madh me ekipin e tij.
Kualifikimi në Botëror ishte një arritje e madhe për Arabinë Saudite, por ardhja e Ronaldos sipas Renard është një dritë që po rrezaton në Arabi.
Deklarata:
"Isha i befasuar nga vendimi i tij? Jo, në asnjë mënyrë. Sot Arabia Saudite është një nga ato vende të pakta në botë që arrijnë të tërheqin një numër të madh njerëzish të famshëm ndërkombëtarë. Është një hapje drejt një destinacioni të ri, vendi do të shpenzojë shumë para, është e vërtetë, por mund ta bëjë. vendi po kalon një ndryshim të madh, rreth 70% e popullsisë janë të rinj, transformimi kulturor është i dukshëm.
Ronaldo? Diçka e papërcaktuar, një dritë ose më saktë drita e diellit në Arabinë Saudite, gjë që do të lejojë që vendi të jetë më shpejt në qendër të vëmendjes ndërkombëtare. Gjithçka do të bëhet në një shkallë të gjerë, në mënyrë që vendi të rikthejë një imazh paksa të njollosur.
Fitorja ndaj Argjentinës në Katar tashmë kishte dhënë një shtysë të madhe dhe afrimi i Ronaldos është diçka e madhe për vendin.
Sa lojtarë mund të kenë një ndikim kaq të fortë sa Ronaldo? Jo shumë, ndoshta Mbappe, Messi, për sa i përket promovimit dhe imazhit. Ata hodhën shumë para, nuk ishte e nevojshme që unë të kontaktoja Ronaldon për ta bindur."
Lexo gjithashtu
