Bayern Munich do të presë në shtëpi Dortmundin për të luajtur ndeshjen e vlefshme për javën e 27-të të Bundesligës. Sfida që do të zhvillohet pasditen e sotme në stadiumin “Allianz Arena” do të startojë në orën 18:30.
E ashtuquajtur “Klasikja” gjermane, ka folur vitet e fundit në favor të bavarezëve. Dortmundi kërkon që të marrë fitoren e parë pas 10 viteve në Mynih, gjë që e bënte për herë të fundit në 2014.
Asokohe, Dortmundi fitonte 0-3 me golat e Mkhitaryan, Reus dhe Hofmann. Teksa që prej 12 prillit 2014, verdhezinjtë e kanë harruar ‘shijen’ e triumfit në “Allianz Arena”.
Përsa i përket këtij sezoni, Bayerni është ende në garë për titullin edhe pse ndodhet -10 nga Leverkusen kryesues, ndërsa Dortmundi është në vendin e katërt me 50 pikë, duke ‘luftuar’ për një vend në zonën Champions.
Lexo gjithashtu
