Armando Sadiku nuk do të largohet nga Levante. 27-vjeçari ka mbështetjen e klubit spanjoll për të qëndruar, edhe pse ka gati 5 muaj që nuk ka zhvilluar asnjë takim me ekipin për shkak të dëmtimit të ligamentit të gjurit të majtë.
Media e madhe spanjolle "Marca" raporton se nga radhët e ekipit do të largohen Samu Garcia dhe Cheick Doukoure. Sadiku përflitej se do të huazohej në Zvicër, por klubi e ka parë të arsyeshme që riaftësohet plotësisht dhe të inkuadrohet me ekipin për pjesën e mbetur të sezonit.
Rikthimin e tij në fushë e pret dhe Shqipëria, e cila ka nevojë për shërbimet dhe golat e Sadikut, mungesa e të cilit u ndie shumë në takimet e Ligës së Kombeve dhe miqësoret me Jordaninë e Uellsin.
Poll
Lexo gjithashtu
