Skuadra e Vllaznisë për femra ka surprizuar vajzën e gazetarit Senad Nikshiqit, Onesën. Është vetë Senadi që përmes një postimi tregon momentet emocionuese në klasën e vogëlushes 8-vjeçare.
Është kapitenia Megi Doçi që i dorëzon buqetën me lule në emër të skuadrës shkodrane. Në postimin e bërë në facebook-un e tij, Nikshiqi shkruan:
“Nuk mund të kishte urim dhe surprizë më të bukur për Onesën në ditëlindjen e 8-të të saj se sa kjo vizitë në klasën e saj nga vajzat e Vllaznisë, krenaria e kombit shqiptar që arritën mes 16 më të mirave të Europës. 7 tetori është një ditë e bekuar për ne sepse 8 vite më parë Onesa na gëzoi zemrën.
Vitet kanë kaluar kaq shpejt saqë duken si 8 ditë dhe jo 8 vite. Onesa është drita e syve bashkë me Noar! Unë kam vetëm një urim që të rritet e shëndetshme dhe e mbarë! Bashkë me Onesën gëzuan edhe gjithë shoqet dhe shokët e klasës të cilët uruan jo vetëm shoqen e tyre për ditëlindjen, por edhe vajzat e Vllaznisë për suksesin e tyre. Onesa jonë le të rritet me jetë e shëndet!”
[caption id="attachment_661638" align="alignnone" width="740"]
Postimi i Nikshiqit[/caption]
Lexo gjithashtu
