Inter duket se është futur në valle për shërbimet e Edinson Cavanit. Uruguajani do të largohet në fundin e sezonit nga PSG, ndërsa zikaltërit po tentojnë ta rikthejnë lojtarin në Serie A.
Siç raporton L’Equip, kjo kërkesë e “papritur” nga zikaltërit ka bërë që PSG të mendojë shkëmbimin e tij me Icardin, lojtarin në pronësi të Inter po që këtë sezon luan si i huazuar te PSG. Marrëdhëniet jo të mira me tifozët zikaltër, humbja e shiritit të kapitenit dhe “degdisja” larg ekipit, mund të detyrojnë drejtuesit që të përfitojnë një shkëmbim, derisa argjentinasit i skadon kontrata në verën e 2022.