Trajneri i kombëtares Xhani De Biazi ka folur për portalin zviceran “tio.ch” duke u ndalur gjatë tek situate e Sadikut tek Zyrihu.
“Sadiku është një futbollist shumë profesionist dhe i gatshëm për sfida të reja. Nuk ka nivel aq të ulët sat ë luajë në ligën e dytë zvicerane”, e fillon prononcimin De Biazi.
“Ai ka një kontratë me Zyrihun por ky klub e ka keqtrajtuar atë. Jo vetëm që nuk e vlerësuan, por e çuan në huazim dhe më pas ranë nga kategoria. Sadiku ka të drejtë që nuk ka më dëshirë të luajë këtu”, tha De Biazi për faktin që Sadiku nuk mund të largohet lirisht pasi ka një kontratë.
“Në qoftë se dëshironi të dini për nivelin e tij mjaftontë shikoni të gjitha ndeshjet që ka bërë me Shqipërinë. Ai është një nga lojtarët e mi më të mirë dhe mund të luajë pa problem në Bundesligë apo Seria A”, shtoi tekniku kuqezi.
Sa i përket moshës së tij, De Biazi tha se 25 vjeç nuk është më një moshë e vogël por ai ka përpara edhe 6-7 vjet karrierë. Zyrihu kërkon shumë para dhe në Itali tashmë nuk ka para, por De Biazi thotë se në qoftë se do ishte drejtues do bënte çmos të firmoste me një lojtar si ai.
