Vllaznia po zhvillon merkaton e verës ku shumë lojtarë janë larguar dhe të tjerë që kanë qëndruar në provë nuk kanë bindur. Ata që kanë firmosur kanë qenë të gatshëm dhe që njihen në kampionatin shqiptar, ndërsa ata që nuk njihen u është dashur që t'i nënshtrohen provës.
Por, gjatë ditëve të fundit situata ka qenë e paqartë në skuadrën kuqeblu, ku u largua mesfushori Bajram Nebihi, i cili dëshironte që të firmoste direkt. Ndërsa edhe për të ardhurit e tjerë, siç është sulmuesi Alen Melunoviç, tekniku Cungu ka kërkuar kohë që ta vëzhgojë.
"Nuk ka asnjë trajner në botë që vendos që të mbajë një lojtar kur e shikon në miqësore me ekipe modeste. Nuk jemi më të aftë nga Fergusoni, që për të marrë Ronaldon, i është dashur ta shikojë disa takime", ka thënë trajneri i Vllaznisë për mediat, duke qëndruar me këmbë në tokë për atë që ka synim për të ardhmen.
Lexo gjithashtu
