Ditën e djeshme deputeti i qarkut të Elbasanit Taulant Balla publikoi në rrjetet sociale pamjet e stadiumit të ri të Librazhdit të rikonstruktuar.
Impianti i ri duket mjaft funksional dhe komod me Sopotin tashmë që më në fund pas shumë vitesh do të mund të luajë ndeshjet në kushte normale. Megjithatë qytetarët kanë gjetur të meta në këtë vepër të re, ku në disa komente në rrjet kanë ironizuar një ndërtim që ndodhet në qoshen e stadiumit. Kjo shtëpi madje është krahasuar edhe me kullën e stadiumit të ri Arena Kombëtare në Tiranë, e ndoshta nga madhësia e dy impianteve krahasimi nuk duket dha aq jo proporcional.