Të dielën do të zhvillohet gara për Çmimin e Madh të Brazilit, ndërsa beteja për titullin kampion bote në Formula 1 është përqendruar mes dy pilotëve të Mercedez, Lewis Hamilton dhe Nico Rosberg, por që mes tyre mund të futen makinat Red Bull që këtë vit kanë treguar se janë të shpejtë dhe mund të rivalizojnë për fitore.
Nico Rosberg dhe Leëis Hamilton do të rivalizojnë me Max Verstappen, i cili gjatë garave të fundit është treguar mjaft i shpejtë. Megjithatë, është Rosberg që i druhet suksesit të Verstappen dhe një disfate të mundshme në këtë moment.
“Unë nuk kam frikë nga asnjë pilot tjetër, por Max ka një stil të rrezikshëm pilotimi, që mund të të nxjerrë jashtë loje në çdo moment. Ai është i ri, kurajoz dhe mjaft i aftë, do të rritet çdo vit, por në këto gara duhet kujdes" tha Rosberg, i cili kryeson me 19 pikë avantazh ndaj ndjekësit më të afërt, Lewis Hamilton.
Lexo gjithashtu
