Një ofertë e çmendur, nga ato që të bëjnë të mendosh 10 herë. Arabia Saudite ka tunduar edhe Jose Mourinhon. 120 milionë për dy vite, praktikisht 60 milionë në sezon, raporton Calciomercato.it. Në paketë janë dy punë, Kombëtarja saudite dhe Al Hilal, klubi që do të ishte gati të mbulonte me ar Leo Messin me një propozim që kalon 400 milionë euro.
Çfarë duhet të bëjë tekniku portugez? Paraja tundon të gjithë, veçanërisht nëse ka kaq shumë e në këtë fazë të karrierës së tij. Sipas të njëjtës media, Mourinho foli për këtë me stafin e tij dhe drejtuesit e Romës por tani për tani ka lënë gjithçka pezull deri në fund të sezonit ku do të punojë për të dërguar Romën në Champions League.
