Ish-sulmuesi i njohur italian, Antonio Cassano ka folur për situatën në të cilën po kalon Roma. Për të, humbja 6-1 me Bodo Glimt ka lënë pasoja në ekip, ndërsa trajneri Mourinho nuk do i llogarisë më lojtarët që shënjestroi pas atij dueli.
Portugezi shpërtheu në kritika ndaj të tijve, ndërsa Villar, Kumbulla dhe Darboe ishin më të lakuarit nga trajneri. Veprimi i parë i “hakmarrjes” ishte në fundjavë, me lojtarët që u lanë në tribunë.
“Fjalët që tha pas ndeshjes me Bodo Glimt ishin shumë të rënda për mua. Kanë shkatërruar përfundimisht Kumbullën, Darboe dhe Villar. Mourinho nuk do t’i llogarisë më këta futbollistë edhe kur të ketë nevojë për ta”, tha Fantantonio për “Bobo TV”.
Loading ...
