Ish mbrojtësi dhe kapiteni i Barcelonës Carles Puyol ka folur rreth situatës kaotike që po kalon ish ekipi i tij në këto momente. Në Barcelonë problemet brenda grupit kanë marr "zjarr" dhe pas Abidal me Messin nën akuzë ndodhet edhe presidenti i katalanasve. Kryefjala pas acarimit të situatës është një largim i mundshëm i Leo Messit në fund të sezonit, një veprim i cili mund të shkakonte një tërmet në Barcelonë. Megjithatë Puyol ka folur rreth çështjeve të diskutuara si dhe rreth largimit të Messit:
"Messi është 32 vjeç, dikush si ai mund të luajë deri në 38 vjeç, sepse ai kujdeset për veten. Unë nuk mund ta kuptoj pse flitet për lamtumirën e tij të mundshme me klubin, gjithashtu sepse ai është tani në Barcelonë. E vetmja gjë që duhet të bëhet është të fitojnë sa më shumë që të jetë e mundur me kontributin e tij", tha Puyol
Lexo gjithashtu
