Rivaliteti historik mes Brazilit dhe Argjentinës vazhdon të prodhojë episode të bujshme edhe jashtë fushës së lojës. Këtë herë, protagonistë janë bërë tifozët brazilianë, të cilët kanë tërhequr vëmendjen gjatë grumbullimit të tyre në Filadelfia, ku Brazili do të zhvillojë ndeshjen e dytë të fazës së grupeve në Kupën e Botës 2026 kundër Haitit.
Mes atmosferës festive të krijuar nga mijëra mbështetës të “Seleçaos”, një pankartë gjigante ka shkaktuar reagime të shumta në mediat sportive ndërkombëtare. Në të paraqitet legjenda braziliane Pele i ulur në një fron mbretëror, ndërsa dy ikonat e futbollit argjentinas, Diego Maradona dhe Lionel Messi, shfaqen të gjunjëzuar pranë tij.
Sipas ilustrimit, Messi shihet duke i puthur këmbën Peles, ndërsa Maradona duke e freskuar me një gjethe palm.Mesazhi i tifozëve brazilianë është i qartë që për ta Pele mbetet lojtari më i madh i të gjitha kohërave dhe figura më e rëndësishme në historinë e futbollit.
Pankarta ka ndezur sërish debatin e përhershëm mbi çështjen e famshme se kush është më i miri në botë, duke rikthyer në qendër të vëmendjes krahasimet mes Peles, Maradonës dhe Messit.
Trapo de un brasileño mostrando a Diego Maradona y Lionel Messi besándole los pies a Pelé. pic.twitter.com/WSpgwIXas8
— Barra Brava (@barrabrava_net) June 19, 2026
Lexo gjithashtu
