Edhe pse në moshën 36-vjeçare, Dusan Tadic nuk ka ndërmend të tërhiqet nga futbolli i luajtur. Pasi mbylli aventurën me Fenerbahce, sulmuesi serb i është bashkuar klubit nga Emiratet e Bashkuara Arabe, Al-Wahda, me të të cilët ka firmosur kontratë 1-vjeçare.
“Aventurë e re, sfidë e re”, është shkrimi i Tadic në postimin në rrjetet sociale pas zyrtarizimit të klubi i ri. Ai do të mbaj numrin “10”, ashtu siç ka vepruar me skuadrat pararendëse. Në të njëjtën ligë është transferuar edhe sulmuesi i Kombëtares sonë Rey Manaj, konkretisht te Sharjah FC, me të cilët ka kontratë deri në 2027.
Në datën 16 gusht nis edhe kampionati në Emiratet e Bashkuara Arabe, ku zbret në fushë ekipi i Manaj, Dibba Al Fujairah – Sharjah FC. Pritet që mes Tadic dhe sulmuesit lushnjar do të jetë një “betejë” e ashpër për “Këpucën e Artë”.
View this post on Instagram
Lexo gjithashtu
