Julian Nagelsmann ka zbuluar se Florian Wirtz e kontaktoi për këshilla në lidhje me të ardhmen e tij. Ylli i Bayer Leverkusen, Wirtz, vazhdon të jetë në qendër të vëmendjes mes raportimeve në rritje se ai ka zgjedhur Liverpoolin mbi Bayern Munich si destinacionin e tij të radhës.
Duke folur për Sky Germany të shtunën, trajneri i Gjermanisë, Julian Nagelsmann, konfirmoi se 22-vjeçari i është drejtuar atij për udhëzime në lidhje me të ardhmen e tij. “Ai më dërgoi një mesazh. Shkëmbyem disa mesazhe. U përpoqa t'i jepja këshilla sipas njohurive dhe ndërgjegjes sime më të mirë, por i thashë se nuk mund të merrja vendimin për të.
Mendimi im nuk është domosdoshmërisht ai i duhuri. Nëse përfundon të jetë Liverpooli, do të ishte një hap shumë i mirë. Ai mund të luajë në pozicionin e tij natyror atje, në një mjedis të shkëlqyer, në një klub fantastik. Gjëja më e rëndësishme është që ai luan rregullisht dhe vazhdon të përparojë”, tha Nagelsmann.
Lexo gjithashtu
