Sjellja e Antonio Rudiger i ka shokuar të gjithë. Mbrojtësi i Real Madridit “humbi” mendjen pasi gjyqtari fishkëllente në favor të Barcelonës gjatë finales së Kupës së Mbretit dhe përfundoi duke e hedhur qesen me akull në drejtim të gjyqtarit, i cili i tregoi kartonin e kuq ndërsa shokët e tij të ekipit u përpoqën ta mbanin Rudigerin për të shmangur më të keqen. Rezultati? Ai tani rrezikon deri në 12 ndeshje pezullim.
Por ish-shoku i skuadrës Toni Kroos , tani i pensionuar nga futbolli, e mbrojti 32-vjeçar gjerman: "Pajtohem plotësisht me Felix (vëllai i Toni Kros) kur thotë se njerëzit tani po kërkojnë përjashtimin e tij nga skuadra kombëtare... veçanërisht njerëz që, në atë kohë, do të kishin merituar të përjashtoheshin vetë", u përgjigj ironikisht ish-lojtari i Real Madridit gjatë një transmetimi të “Icon League”.
Sulmi i Kroos ndaj atyre që i janë referuar pranisë së Rudiger në ekipin kombëtar mund të jetë pikërisht ndaj Lothar Matthaus , legjendës së Bayernit dhe ish-lojtarit kryesor të Gjermanisë, i cili pranoi: "Ai dukej sikur ishte çmendur, ishte jashtë kontrollit. Ai është një lojtar i kombëtares gjermane, duhet të jetë një model, por e ka harruar plotësisht këtë. Nëse ia del me një ndalim katër-javor, do të jetë i lumtur. Po mendoj më shumë për një ndalim me dy shifra. Pres një ndalim masiv”.
Lexo gjithashtu
