Beteja ligjore kundër Kupës së Botës për Klube 2025 ka nisur seriozisht pasi sindikata e lojtarëve Fifpro dhe ligat më të mira evropiane ngritën një ankesë kundër FIFA-s.
Ankesat janë rritur, pasi numri i ndeshjeve do të jetë shumë i ngjeshur dhe po përkeqësohet me zgjerimin e formateve të Ligës së Kampionëve, Ligës së Evropës dhe Ligës së Konferencave.
Mbi të gjitha, prezantimi i formatit të ri të Kupës së Botës për Klube nga viti 2025 do të thotë se disa lojtarë nuk do të kenë pothuajse asnjë pushim gjatë verës.
Fifpro u bashkua me Ligat Evropiane, të cilat përfaqësojnë 39 kampionate të ndryshme duke përfshirë Serie A. Premier League dhe LaLiga.Ata paraqitën një ankesë ligjore në Komisionin Europian, të cilin drejtori i politikave të saj, Alexander Bielefeld e quajti të paprecedentë.Pjesë e Seria A janë dhe shumë futbollistë shqiptarë, si Asllani dhe Gjimshiti të cilët priten të jenë pjesë e Botërorit të Klubeve.
Beteja filloi në qershor me veprimin ligjor në gjykatën e tregtisë së Brukselit “duke sfiduar ligjshmërinë e vendimeve të FIFA-s për të vendosur në mënyrë të njëanshme kalendarin e ndeshjeve ndërkombëtare
Ky turne do të zhvillohet në SHBA nga 15 qershori deri më 13 korrik 2025,
Lexo gjithashtu
