Një lajm i hidhur ka mbërritur sot nga infermieria e Juventusit. Qendërmbrojtësi Gleison Bremer pas testimeve të kryera do të humbasë gjysmën e sezonit aktual.
Ai doli nga fusha e blertë mbrëmjen e kaluar ndaj Leipzig me dhimbje të dukshme. Mjekët bëjnë të ditur se braziliani ka ndrydhur ligamentin e gjurit të majtë, një lëndim ky që kërkon minimumi 6 muaj për tu rikuperuar plotësisht. Dëmtimi erdhi si pasojë e përplasjes me sulmuesin e Leipzig, Loic Openda.
Ish-mbrojtësi i rivalëve të Torinos ishte lojtari i vetëm i bardhezinjve me minutazh të plotë deri më tani në çdo takim të luajtur si në Serie A ashtu edhe në Champions.
Ky është një lajm i hidhur për kampin torinez, por mbi të gjitha për trajnerin Motta, i cili tani duhet të mendojë se cili do të jetë zëvendësuesi ideal në repartin difensiv.
Lexo gjithashtu
