Toni Kroos do të varë këpucët në gozhtë në fund të këtij sezonit. Më saktësisht pas Euro 2024, mesfushori gjerman do të pensionohet, duke i dhënë fund kështu një karrierë mjaft të suksesshme si futbollist.
Një lajm i keq për Real Madrid që humbet kështu një nga lojtarët më të mirë të ekipit, i cili ndër vite ka qenë ndër protagonistët kryesorë në triumfet dhe trofetë e fituar nga “Los Blancos”.
Tashmë, madrilenët janë vënë në lëvizje për zëvendësuesin e 34-vjeçarit. Dy janë emrat të cilët pëlqehen më shumë nga Florentino Perez, por që për momentin janë thjeshtë dëshira.
Joshua Kimmich i Bayern Munich dhe spanjolli Rodri, mesfushor i cili aktualisht mban veshur fanellën e Manchester City-t janë dy lojtarët që shihen nga drejtuesit e Realit si perfektët për të zëvendësuar Kroos.
Pritet që në ditët në vijim, Real Madrid të hedhë hapa konkretë për të transferuar në “Bernabeu” njërin prej këtyre mesfushorëve.
Lexo gjithashtu
